Trasteangú san oideachas lán-Ghaeilge- deiseanna agus dúshláin (Pre-published)

Abstract

Is éard atá i gceist le trasteangú ná malartú córasach idir dhá theanga sa seomra ranga tumoideachais, chun tacú le foghlaim an ábhair agus le forbairt inniúlachta sa dá theanga de réir mar a théann na daltaí i dtaithí ar an dátheangachas. Ní réitíonn an trasteangú go maith le prionsabail an tumoideachais iomláin ar a bhfuil an t-oideachas Gaeltachta agus an tumoideachas lán-Ghaeilge bunaithe go daingean. Sa staidéar comparáideach seo, tugtar tuairisc ar dhearcthaí agus ar eispéiris múinteoirí i gcomhthéacsanna na Gaeltachta agus na gaelscoile i leith ról an trasteangaithe mar uirlis oideolaíoch. I measc na bhfoinsí sonraí, áirítear agallaimh aonair, fócasghrúpaí agus breathnóireachtaí sa seomra ranga. Bíodh is gur aimsíodh éagsúlachtaí i ndáil le beartais a bhain go sonrach leis an gcomhthéacs, thug na múinteoirí le fios go mbíonn coimhlint ar siúl go síoraí seasta idir úsáid chórasach chleachtadh sa tumtheanga. Ba dheacair do mhúinteoirí na buntáistí a bhaineann leis an trasteangú mar oideolaíocht thras-teanga sa tumoideachas a shainmhíniú agus a thuiscint. Soiléiríonn na torthaí taighde uiscí suaite na hoideolaíochta tras-teanga agus an fhéidearthacht atá fós le baint amach maidir le T1 sa tumoideachas.